ಮರ್ಸಿ ಮಾಯೆಚೆ ಫಿರ್ಗಜೆಂತ್ ಮೊಂತಿ ಫೆಸ್ತ್ ಆಚರಣ್
ಮಂಜೇಶ್ವರ್, ಸಪ್ತೆಂಬರ್ 8: ಮರ್ಯೆ ಮಾಯೆಚ್ಯಾ ಜಲ್ಮಾದಿಸಾಚೊ ಸಂಭ್ರಮ್
ಸರ್ವ್ ಫಿರ್ಗಜ್ ಗಾರಾಂನಿ ಸಂಭ್ರಮಿಕ್
ಮಿಸಾಚ್ಯಾ ಬಲಿದಾನಾ ಸವೆಂ ಆಚರಣ್ ಕೆಲೊ. ಸಯ್ರೆ ಯಾಜಕ್ ಮಾ||ಬಾ||ಅನಿಲ್ ಡಿಸೋಜ ನಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಉದಯ ಇಂಗ್ಲಿಷ್ ಮಾದ್ಯಮಾಚೊ ಪ್ರಾಂಶುಪಾಲ್ ಮಾ||ಬಾ|| ಮೆಲ್ವಿನ್ ಲೋಬೊ ನ್ ನವೆಂ ಬೆಂಜಾರ್ ಕೆಲೆಂ. ಸವ್ರ್
ಭುರ್ಗ್ಯಾನಿಂ ಪುರ್ಶಾಂವಾಂತ್ ಯೇವ್ನ್ ಲೂರ‍್ದ್ ಮಾಯೆಚ್ಯಾ ಗ್ರೊಟ್ಟೊ ಮುಕಾರ್ ಮರ್ಯೆ ಮಾಯೆಕ್ ಪುಳಾಂ ಅರ್ಪಣ್ ಕರ್ನ್ ಮಾನ್ ಕೆಲೊ. ಹ್ಯಾ ಸಂದರ್ಭಿ ಫಿರ್ಗಜ್ ವಿಗಾರ್ ಮಾ||ಬಾ|| ವಲೇರಿಯನ್ ಲುವಿಸ್ ನಿಂ ಫೆಸ್ತಾ ಸಂಧರ್ಭಿ ಮುಡ್ದೊಮ್ ಆನಿ ಫಿರ್ಜೆಂತ್ ರಾವ್ಲೆಲ್ಯಾಂಕ್ ಮಾನಾಚಿ ವಾತ್ ದೀವ್ನ್ ಮಾನ್ ಕೆಲೊ.
ಮರ್ಸಿ ಮಾಯೆಚ್ಯಾ ಜಯ್ತ್ ಪತ್ರಾಚ್ಯಾ ಆದ್ಲ್ಯಾ ಅಂಕ್ಯಾಂಚ್ಯಾ ಬೈಬಲ್ ಕ್ವಿಜ್ ಸ್ಪರ್ದ್ಯಾಂತ್ ವೀಜೆತ್ ಜಾಲ್ಲ್ಯಾಂಕ್ ಮಾ||ಬಾ|| ಮಲ್ವಿನ್ ಲೋಬೊನ್ ಬಹುಮಾನ್ ವಿತರಣ್ ಕೆಲೆಂ. ಫಿರ್ಗಜ್ ವಿಗಾರ್ ಮಾ||ಬಾ|| ವಲೇರಿಯನ್ ಲುವಿಸಾ ನಿಂ ಸರ್ವ್ ಗೊವ್ಳಿಕ್ ಪರಿಷೆದ್‌ಚ್ಯಾ ಸಾಂದ್ಯಾಂಕ್, ನವೆಂ ವಾಂಟ್ಲೆ ಉಪ್ರಾಂತ್ ತೆಂ ಸರ್ವ್ ಲೊಕಾಂಕ್ ವಾಂಟ್ಲೆ.
ಮಿಸಾಚ್ಯಾ ಬಲಿದಾನ್ ಜಾತಾಚ್ ಸರ್ವ್ ಫಿರ್ಗಜ್ ಗಾರಾಂನಿ ಏಕ್ ಕುಟಾಮ್ ಜಾವ್ನ್ ನವೆಂ ಪೀವನ್ ಸೆವ್ಲೆಂ . ಫಿರ್ಗಜೆಚ್ಯಾ ಹರ್ಯೆಕ್ ಸಾಂದ್ಯಾಕ್ ಕೊಬು ಅನಿ ಕೇಕ್ ವಾಂಟುನ್ ತಾಂಚೊ ಸಂತೊಸ್ ದೊಡ್ತೊ ಕೆಲೊ. ತಶೆಂಚ್ ಭುರ್ಗ್ಯಾಂಕ್ ಕೊಬು, ಕೇಕ್ ಆನಿ ನೊಟ್ ಬೂಕ್ ದೀವ್ನ್ ತಾಂಚ್ಯಾ ಮತಿಕ್ ಸಂತೊಸ್ ದಿಲೊ.
ಮಿನಿನ್ ಜೆಜು ವಾಡ್ಯಾಗಾರಾನಿಂ,ಭುರ್ಗ್ಯಾಂಕ್ ಬೂಕ್
; ಸಾಂ. ಜುಜೆ ವಾಡ್ಯಾಚ್ಯಾ ಜೊನ್ ಸುವಾರಿಸಾನ್ ಸರ್ವ್ ಲೊಕಾಕ್ ಕೊಬು ; ಐ ಸಿ ಯೈ ಮ್ ಸಾಂದೆ ಜಾವ್ನಾಸ್ಚೆ ಮಾನೆಸ್ತ್ ಡಾರ್ವಿನ್ ಮೊಂತೆರೊ - ನಿತ್ಯಾದರ್ ವಾಡೊ, ತಶೆಂಚ್ ಆಶೊಕ್ ಮೊಂತೆರೊ-ವೆಲಂಕಣಿ ವಾಡೊ
ಹಾನಿಂ ಕೇಕ್ ದಾನ್ ದೀವ್ನ್ ಸರ್ವ್ ಫಿರ್ಗಜ್ ಗಾರಾಂಚೆ ಮನಾ ಸಂತೊಸಾಯಿಲ್ಲೆಂ.
ಐ ಸಿ ಯೈ ಮ್
ಸಾಂದ್ಯಾನಿಂ ಫೆಸ್ತಾಂ ಸಂದರ್ಭಿ ಸಿಸ್ಟರಾಂ ಸಾಂಗಾತಾ ಮೆಳೊವ್ನ್ ಡೆಕೊರೆಶನ್ ಕರ್ನ್ ಅಲ್ತಾರಿಚೆ ಆನಿ ಇಗರ್ಜೆಚೆಂ ಸೊಭಾಯ್ ಚಡಯ್ಲಿ. ಸರ್ವ್ ಫಿರ್ಗಜ್ ಗಾರಾಂಕ್ ನವೆಂ
ಪೀವನ್, ಭುರ್ಗ್ಯಾಂಕ್ ಕೊಬು, ವಾಂಟುಂಕ್ ಆನಿ ಇಗರ್ಜ್ ಬೊಂವ್ತಣಿ, ನಿತಳಾಯ್ ಸಾಂಬಾಳುಂಕ್ ಐ ಸಿ ಯೈ ಮ್
ಸಾಂದ್ಯಾನಿಂ ತಾಂಚೊ
ಮೊಟೊ ಸಹಾಕಾರ್ ದಿಲೊ.
ವರ್ದಿ : ನಿಲ್ಟನ್ ಜೇಸನ್ ಮಂಜೇಶ್ವರ್
No comments:
Post a Comment